Azərbaycanın premium kinoteatrı “28 Cinema” noyabr ayının 20-də məhşur türk kino ulduzlarının iştirakı ilə möhtəşəm Qala premyera keçirmişdir. ”28 Cinema” kinoteatrı, “Kofteci” restoranı və “Synergy Partneship” şirkətinin sponsorluğu ilə təşkil olunan tədbir Türkiyədə və Azərbaycanda böyük maraqla gözlənilən “Birleşen Gönüller” filminin premyerasına həsr olunmuşdur.
Tədbirdə filmin qəhrəmanlar olan Atılgan Gümüş, Sema Çeyrekbaşı, Serkan Şenalp, Ferdi Akarnur kimi məhşur türk aktyorları iştirak etmişdir. Premyera gecəsində Türkiyəli qonaqlar ilə yanaşı ölkəmizin bir çox məhşur simaları, şirkət rəhbərləri, media nümayəndələri iştirak etmişdir. Tədbirdə qonaqlar üçün furşet və fotosessiya təşkil olunmuşdur.
Tədbirdə həmçinin qeyd olunan filmin nümayişi keçirilmişdir. Nümayişdən sonra isə türk aktyorlarının və “28 Cinema” kinoteatrının nümayəndələrinin iştirakı ilə jurnalistlər üçün mətbuat konfransı keçirilmişdir.
Tədbirin sonunda məhşur türk qonaqlar onlar üçün qalma şəraiti yaradan Kempinski Badamdar Otelinə yollanmışdılar.
“28 Cinema” kinoteatrı Enhanced 4K müasir texnologiyasına əsaslanan, Barco yeni nəslindən olan proyektorlar və 3D Xpand texnologiyalı eynəklər təqdim edir. “28 Cinema” “PLATINUM MOVIE SUITES” zalı daxil olmaqla 6 zaldan ibarətdir və kinoteatrın ərazisində “Blackberry” restoranı yerləşir.