3 apreldə prokata Marvel komikslərinin növbəti ekranlaşdırması çıxır – “Birinci qisasçı: Başqa müharibə” filmi. Franşızanın keçmiş filmlərindən burada Kris Evans, Skarlett Yoxansson, Semyuel L. Cekson, Sebastyan Sten və Kobi Smolders çəkilirlər, və onlara Robert Redford və Entoni Mali qoşuldular. “Qisasçılar” hadisələrindən sonra Stiv Rocers müasir dövrə alışmaq üçün Vaşinqtonda rahatca yaşayır. Lakin təşkilata hücüm olunanda Stiv bütün dünyanı təhlükəyə salan fitnəyə düşür. Işlər qaydaya düşəndə Kapitan Amerika və Qara dul yeni müttəfiqləri Qırğı ilə birləşirlər. Gözlənilmədər qəhrəmanlar düşmən Qış əsgəriylə rastlaşırlar. Film 3D formatında nümayiş etdiriləcək.



«Startap» filminin premyerası həmçinin 3 aprelə təyin edilmişdir. Rejissor Yevgeni Tkaçukun filmində Şamil Xamatov, İeva Andreevayte, Semyon Moroz, Emmanuil Vitorqan, Andrey Sokolov, Dmitriy Boqdan, Vera Panfilova və başqalar. çəkilirlər. Film Rusiyanın iri axtarış portalının yaradılması tarixindən bəhs edir. “Startap” – dostluq tarixçəsidir, insanın öz məqsədinə çatmaq üçün nələri qurban verməsidir. Filmdəki hadisələr 90-cı ilin əvvələrindən 2012 ilədək müddəti əhatə edir. Filmin əsas məğzi – Rusiyada öz ağlın ilə, düz yolla pul qazanmağın və dünya öz adının tanıtmağın mümkünlüyüdür.



Lük Bessonun ssenarisi üzrə çəkilmiş “Qətl üçün 3 gün” kriminal döyüş 10 apreldə prokata çıxacaq. Süjetə görə, FTB-un gizli laboratoriyasında insan hər hansı sağalmayan xəstəliyinin öhdəsindən gələ bilən dərman hazırlanıb. Keçmiş agent İtan Rannerə həkimlər ölümcül diaqnoz qoyublar və xüsusi xidmət rəhbərliyi ona bu dərmanı qəbul etməyə təklif edir. Lakin o, həyatı bahasına başa gələ biləcək bir tapşırığı yerinə yetirməlidir. İndi Rannerin ətrafında qəribə hadisələr baş verir. Aparıcı rolda - Kevin Kostner, həmçinin filmdə Ember Xyord, Xeyli Staynfeld, Konni Nilsen və başqaları çəkilirlər.



10 apreldə “Diverqent” filmi prokata çıxır – Veronika Rotun trilogiyasının birinci kitabının ekranlaşdırması. Əhvalat Yer kürəsində gələcəkdə, istibdad Çikaqoda baş verir. 16 yaşına çatmış bütün yeniyetmələr beş fraksiyadan birini seçib ömürlük ona qoşulmalıdırlar. Hər fraksiya müəyyən xüsusiyyəti ifadə edir: Səmimilik, İmtina, Qoçaqlıq, Mehribanlıq və Erudisiyanı. İki başqa film 2015 və 2016 ildə çıxacaqlar. Filmdə Şeylin Vudli, Teo Ceyms, Keyt UinsletŞ Meqqi Kyu, Eşli Cadd, Zoi Kravis və başqaları çəkilirlər.



“Gerçək dələ” cizgi filmi 17 apreldən öz prokatını başlayacaq. Filmin nümayişi 3D formatında olacaq. Şəhərdə sağ qalmağa çalışan iki ayrılmaz dost dələ Sarli və siçovul Baddi onların sevimli yeməyi olan fındıq dolu mağazaya rast gəlirlər. “Arzuların gerçəkləşməsini” hiss edən dostlar gəmiricilərin tarixində ən böyük soyğunçuluğu planlaşdırırlar. Gözlənilmədən parkdan 13 kasıb fındıq sevən qohumlar peydə olur. Lakin heç kimin ağlına gəlmir ki, soyğunçu bandası banka tunel qazıb pul kisələrini fındıq kisələri ilə dəyişmək fikrindədirlər.



Həmçinin 17 apreldən “Paranormal hadisələrlə dolu ev” komediyasının sikvelının prokatı başlayacaq. Filmin ikinci hissəsində avtomobil qəzasında sevgilisi Kişanı itirən Malkolm yeni həyata başlamağa qərar verir- iki uşaq anası Meqan ilə evlənir. Çox keçmədən qəribə hadisələr baş verir, və Kişanın həyata qayıdıb qonşu evdə məskən salması vəziyyəti daha da qəlizləşdirir. Aparıcı rolda yenidən Marlon Uayans oynayır, həmçinin filmdə Ceymi Presli, Sofi Di, Eşli Rikards, Essens Etkins, Deyv Şeridan və başqaları çəkilirlər.



17 apreldə çıxan «Sabotaj» trilleri tamaşaçılara Arnold Şvarseneqqerı yenidən döyüşün qəhrəmanı obrazında seyr etməyə icazə verəcək. Əhvalat narkokartelin məxfi görüş mənzilinə hücum edən narkotiklə mübarizə idarəsinin əməliyyatından başlayır. Komanda basqın nəticəsində əldə etmiş milyonlarla dolları müdiriyyətdən gizlətməyə qərarına gəlir, lakin sirri saxlamağa getdikcə çətin olur: kimsə əməliyyatda iştirak edənləri bir-bir öldürür. Filmə çox məşhur aktyor cəlb edilmişdir - Sem Uortinqton, Oliviya Uilyams, Terrens Xovard, Co Manqanello, Coş Xollouey, Mirey İnos və başqaları.



17 aprel premyera həftəsinin daha bir filmi – “Təcili “Moskva-Rusiya”” komediyasıdır. Film YouTube-dakı videosuna bir milyon baxış əldə etmək üçün canını belə satmağa razı olan oğlan haqqındadır. Öz arzusu yolunda o “Moskva-Vladivostok” sürətli qatarında olarkən, ayrofobiyadan əziyyət çəkən amerikalı aktrisa ilə rastlaşır. Yeni tanış olanlar yolda müxtəlif hadisələr ilə qarşılaşırlar – gözlənilməz və nağıl tək Rusiya ərazisində, hərəkət edərək gecikmiş qatara çatmaq istəyirlər... Çünki hər biri düz 7 gün sonra müxtəlif səbəblərə görə Vladivostokda olmalıdırlar, hansıları ki, bir-birilərindən gizlədirlər. Filmdə Serqey Svetlakov, Maykl Medsen, Marqarita Levieva, Pavel Derevyanko, İnqeborqa Dapkunayte, Yuriy Stoyanov, İvan Urqant və başqaları çəkilirlər.



Hörümçək-adam haqqında franşızanın yenidən başlamasının ikinci hissəsi – “Yeni Hörümçək adam: Yüksək gərginlik” filmi 24 apreldən prokata çıxır. Piter Parker hörümçək adam maskası altında həmişəki kimi dünyanı cani və cinayətkarlardan xilas edir, boş vaxtını isə sevgilisi Qven ilə keçirir. Lakin məktəb illəri sona çatır və qəhrəmanları qabaqda böyük həyat gözləyir. Piter Qvenin həyatından həmişəlik getməyə və onun həyatını daha təhlükə altına qoymamağa qızın atasına söz verib. Lakin sözün üstündə durmaq elə də asan deyil. Tale Piterə sürprizlər hazırlayır: onun yolunda yeni rəqib-Elektro peydə olacaq, həmçinin köhnə dostu Qarri Ozbornla görüşüb ailəsinin keçmişi haqqında xəbər alacaq. Filmdə əvvəlki kimi Endrü Qarfild və Emma Stoun çəkilirlər, aktyor tərkibinə həmçinin Ceymi Foks, Deyn DeXaan, Pol Camatti, Salli Fild, Martin Şin və başqaları qoşuldular.