Nizami Kino Mərkəzi  noyabrn 10-dan  etibarən ABŞ istehsalı olan "Uidji. iblis lövhəsinin lənəti" və noyabrın 11-dən "Gizlənpaç" milli komediyasının nümayişinə başlayacaq.

"Uidji: iblis lövhəsinin lənəti" filminin  ssenari müəllifi və rejissoru Mayk Fleneqandır. Film triller və dəhşət janrında çəkilib. Yaş məhdudiyyəti:16+

Ruhları çağıran Uidji lövhəsi heç vaxt sadə oyun olmayıb.  O, ölülər dünyasının portalına xidmət edib. Lövhə, dirilər və ölülər aləminin arasında olan qapıdır. Amma bir gün ruhlar nəzarətdən çıxaraq  pis yamanlıqla  uşaq bədəninə sahib olurlar...

Filmdəki rollara Annalisa Basso, Elizabet Rizer, Lulu Uilson, Henri Tomas, Parker Mak, Holli Çarlton, Aleks G. Zall, Daq Cons, Keyt Siqel və Sem Anderson çəkilib.

"Gizlənpaç" milli  filminin  rejissoru   Elmir Süleymanov, prodyuseri Müşviq Şahverdiyevdir.  Fim romantik komediya janrındadır. Yaş həddi: 14+

Film kloun işləyən iki gəncin  həyat və sevgi yolunda düşdüyü  sərgüzəştlərindən bəhs edir.   

Baş rollarda  Müşfiq Şahverdiyev, İlkin Misgərli, Zarina Qurbanova və Səməd Səfiyarov  çəkiliblər.