Mayın 26-dan  Nizami Kino Mərkəzində   "Deliоrmanlı" və "Varkraft" bədii filmlərinin nümayişi başlanıb. 

          Döyüş, məcara və fentezi janrında çəkilən "Varkraft" filminin ssenari müəllifi və rejissoru   Dunkan Consdur. Sloqanı: "İki dünya -bir taleh"dir. Yaş həddi: +12

           Əsrlərlə maqiyanın gücü və əlçatmaz divarlar insanları bəlalardan qoruyardı. Amma minilliklər öncə  fəth edilmiş və yaddan çıxmış bəla yeni oyanır. Krallığın düz ürəyində anlaşılmaz  portal açılmış və  görünməmiş məxluqlar irqi Azerota torpaqlarını  basmışlar. Dünyanın taleyini həmişəlik dəyişmək iqtidarında olan hadisələr bundan  sonra başlayır...

         Filmdə rolları Trevis Fimmel, Pola Peton, Ben Foster, Dominik Kuper, Tobi Kebbell, Ben Şnettser, Robert Kazinski, Klensi Braun, Deniel Bu,Rut Neqqa  və başqa aktyorlar canlandırıb.

         AF Mediya şirkətinin təqdim etdiyi  "Deliormanlı" filminin  rejissoru və ssenari müəllifi Murat Şekerdi. Film döyüş, dram və idman janrındadır. Yaş həddi: 12+

          Deliormanlı ləqəbiylə tanınan Savaç Türkyılmaz Avropa çempionu titulu olan milli boksçudur. Həyat yoldaşını itirən Deliormanlı bir ara özünə qapanır və rinqdən uzaqlaşır. Amma anasının müalicəsinin pulunu ödəmək üçün yenə döyüşlərə qatılmaq məcburiyyətində  qalır. Ortaya, Deliormanlının arxada qalmış həyat hekayəsini  araşdıan telejurnalist Hülya Yigit çıxır. Deliormanlı böyük final oyununa hazırlaşdığı vaxt onun və Hülyanın bu yolda  ən böyük əngəli menecer və mafiya babası Tahsin Karadır...

         Filmdəki obrazları aktyorlar Sarp Levendoğlu, Birce Akalay, Gürkan Uygun  və başqaları canlandırıb.

         Filmlər  haqqında daha ətraflı məlumatı Nizami Kino Mərkəzinin facebook səhifəsindən öyrənə bilərsiniz. (https://www.facebook.com/NizamiCinema?rf=hl