Son onillikdə kinokomikslərin nə dərəcədə populyarlıq qazandığını görən Paramount Pictures studiyası özünün superqəhrəman filmini çəkməyi qərara alıb: Deadline saytının məlumatına görə meycor Yaşıl eşşəkarısını ekranlara qaytarmağı düşünür.

Superqəhrəman ilk dəfə radioverilişlərin personajı qismində debüt edib, sonra isə televiziya və komiks səhifələrinə köçüb. Britt Rid gecənin düşməsi ilə özünün köməkçisi və sürücüsü Kato ilə cinayətkarlığa qarşı mübarizə aparaq maskalı qisasçıya çevrilən zəngin qəzet sahibidir.

2011-ci ildə Mişel Qondri  baş qəhrəmanın rolunda Set Roqenin çəkildiyi "Yaşıl eşşşəkarısı" filmini çəkib. Özünü komediya döyüş filmi kimi təqdim edən layihə tənqidçilərdə qarışıq hisslər yaratsa da dünya prokatında $227,8 mln toplaya bilib.

Paramount rəhbərliyi yeni layihənin rejissoru kürsüsünə tamaşaçılara "Döyüşçü" və "Hesablaşma" filmlərindən tanış olan Qevin Okonnoru dəvət edib. Studiyanın niyyəti superqəhrəman haqqında yeni franşizin əsasını qoyacaq ciddi versiya çəkməkdir. Filmin ssenari müəllifi Şon O\'Kifidir.

O\'Konnor özü yeni layihəni əvvəlkilərin tam əksi kimi düşünür - Britt Rid yeni filmdə keçmişdə hərbçi olmuş və hər hansı zövqsüzlüyə və şitliyə yol verilməyən anti-Betmen obrazını yaradacaq.