Disney layihələri 2016-cı ildə beynəlxalq prokatda 5,85 mlrd dollar qazanıb.

Superqəhrəmanlar, animasiya personajları və populyar multfilmlərin kinoversiyaları 2016-cı ildə Disneyə Hollivudun ən uğurlu studiyası olmağa imkan yaradıb. İlin sonuna iki ay qalmış studiya elan edib ki, beynəlxalq yığımlar üzrə özünün ötən ilki rekordunu təzələyib. 2015-ci ildə kassa yığımları 5,84 mlrd dollar olmuşdusa, 2016-cı il noyabrın 1-nə olan göstərici artıq 5,85 mlrd dollardır.

Böyük ehtimallar, Disney ötən ilin kassa yığımlarına görə lideri olmuş və 6,89 mlrd qazanmış Universal-ı keçə biləcək. Hazırda Disneyin siyahısında ilin dörd ən çox qazanc əldə etmiş filmi, o cümlədən gəliri 1 mlrd-dan artıq olmuş üç film var. 2016-cı ilin ən çox qazanc əldə etmiş filmlərin beşliyi aşaöıdakı kimidir:

"İlk qisasçı: Qarşıdurma" - 1 153 300 000 dollar;

"Heyvanlar diyarı" - 1 023 600 000 dollar;

 "Dorinin axtarışında" - 1 021 100 000 dollar;

"Cəngəlliklər kitabı" - 966 400 000 dollar;

"Betmen Supermenə qarşı: Ədaləqin şəfəqi" - 873 300 000 dollar.

Studiyanın 2016-cı ildə əldə etdiyi gəlirlərə "Ulduz müharibələri: Gücün oyanması"na bilet satışından əldə etdiyi 736,6 mln dollar da daxildir. Film 2016-cı ilin dekabrında çıxıb və ümumilikdə 2,068 mlrd qazanıb.

Xatırladaq ki, Disneyin idarəçiliyində Marvel, Pixar və Lucasfilm studiyaları vardır.

Bundan əlavə, Disney bir sıra yeni rekordlara imza atıb. İyulun 16-da studiya ABŞ-da hamıdan birinci olaraq 3 mlrd dollar göstəricisinə çatıb, iyulun 10-da isə dünya prokatında 5 mlrd dollar nəticə əldə edilib. Oktyabrın 16-da isə Disney  xarici prokatda ən uğurlu ili qeyd edib.

Lakin rekordlar tək bunlar deyil. Yaxın günlərdə dünyada artıq 110 mln dollar qazanmış "Doktor Strenc" filmi geniş prokata çıxacaq, noyabrın sonunda ekranlarda "Moana" multfilmini seyr edəcəyik, dekbarın ortalarında isə dünya kinoteatrlarında "Ulduz müharibələri"nin spin-offu - "İzqoy-odin"in nümayişi başlanacaq.