Stiven Kinqin irimiqyaslı ekranlaşdırılmasının relizinin vaxtını fevral ayından yaya keçiriblər. Filmdə baş rolları İdris Elba və Mettyu MakKonaxi ifa ediblər.

Filmin çəkilişləri 2016-cı ilin iyulunda tamamlansa da o qədər də böyük büdcəsi olmayan (60 mln dollar rəqəmi göstərilir) filmə uzunmüddətli postprodakş tələb olunub. Bundan əlavə, relizə faktiki olaraq  üç ay yarım vaxt qalmasına baxmayaraq "Qaranlıq qala"nın rəsmi treyleri (internet şəbəkəsində treylerin "qaralama" variantı var) və posteri yoxdur.

Məhz postprodakşn, eləcə də filmin reklam kampaniyasının inidiyədək başlamaması Sony-ni relizi bir neçə ay sonraya keçirməyə sövq edib. İlkin olaraq filmin 2017-ci il fevralın 15-də ekranlara çıxması planlaşdırılmışdı.

Göstərilən tarixdə filmin ekranlara çıxması üçün studiya aqressiv reklam kampaniyası aparmalı və bunun üçün işə əlavə olaraq çoxlu sayda VFX-mütəxəssislər cəlb etməli, yaxud da relizin vaxtını sonraya keçirməli idi ki, göründüyü kimi sonda ikinci varianta üstünlük verilib. Filmin ekranlara çıxacağı dəqiq vaxt hələ müəyyənləşdirilməyib, çünki studiya filmin hansı uikendə çıxacağı üzərində düşünür.

"Qaranlıq qala"nın özündə tammetrajlı filmlərlə yanaşı televiziya layihələrini birləşdirən franşiz olacağı planlaşdılır. Televiziya spin-offunun üzərində iş artıq başlanıb.