Ötən əsrin 80-ci illərində Con Rembo haqqında filmlər o dövrdə prokata çıxan bütün döyüş filmlərinə təsirini göstərirdi, kinoseriyanın özü isə bu janrın klassik nümunəsi olaraq qalmaqdadır. Sivester Stallone çoxdandır ki, franşizin davam etdirilməsini planlaşdırırdı - hələ 2014-cü ildə o beşinci filmdə Rembo obrazına geri dönmək istədiyi barədə deyilənləri təsdiqləmişdi. Sonradan Fox kanalında serial hazırlıqları barədə xəbərlər yayıldı və bundan sonra Stallone onun Rembosunun artıq təqaüdə çıxdığını söyləmişdi.

Lakin Hollivudun remeyk və yeni interpretasiyalar həvəsini nəzərə alaraq Rembonun artıq başqa sifətlə geri qayıdışını gözləməyə dəyər. The Hollywood Reporter saytının məlumatına görə, əfsanəvi franşizə yenidən müraciət oluncaq. Yeni layihə Rambo: New Blood ("Rembo: Yeni qan") adını alıb. Gözlənildiyi kimi, Stallone Rembo roluna geri dönməyəcək - onu daha gənc aktyor əvəz edəcək.

Layihənin artıq ssenari müəllifi və rejissoru var: çəkilişlərə Ariel Vromen ("Cinayətkar") rəhbərlik edəcək, mətni isə Bruks MakLaren yazacaq. Filmin süjetinin təfərrüatları məlum deyil.

Rembo Devid Morrellin romanının qəhrəmanı idi və 1982-ci ildə Ted Kotçeff personajl böyük ekrana köçürmüşdü. Con Rembo haqda kinoseriya tamaşaçılara yalnız çoxlu adrenalin bəxş etmirdi, o həmçinin müharibə veteranlarının nə kimi problemlərlə üzləşdiyini göstərirdi. 2008-ci ildə Stallone əfsanəvi qəhrəmanın  obrazına geri döndü, lakin "Rembo IV" tənqidçilər tərəfindən o qədər də yaxşı qarşılanmamışdı, prokat nəticəsi də cəmi $113,2 mln olmuşdu.