Bir müddət əvvəl ssenari yazmaq üçün Maykl MakKallerslə anlaşmış DreamWorks Animation multiplikasiya franşizinin yeni hissəsi üzərində işə başlayıb. Şrek haqda saqanın daha bir hissəsi olacağı hələ iki il əvvəl studiyanın rəhbəri Ceffri Katsenberq elan etmişdi, baxmayaraq ki, yaşı oqr haqda əhvalatın dördüncü filmlə tamamlandığı düşünülürdü.

Bundan sonra növbəti sikvel barədə uzun müddət heç nə duyulmamışdı, lakin indi "Trollar"ın rejissorları Uolt Dorn və Maykl Mitçell (hər ikisi müvafiq olaraq ikinci və dördüncü Şrek üzərində çalışıblar) etiraf ediblər ki, hazırda Maykl MakKallers beşinci seriyanın ssenarisi üzərində işləyir. Onlar MakKallersin prodüserlərə çoxlu yaxşı və yeni ideya gətirdiyini bildiriblər.

45 yaşlı MakKallersi artıq indidən Amerika komediyasının veteranı hesab etmək olar. O uzun müddət "Şənbə axşamı canlı efirdə" sketç-ıousunda işləyib, eləcə də "Parklar və ixtirahət zonaları" serialının rejissoru olub. Onun böyük kinoda əldə etdiyi ən böyük nailiyyətləri Ostin Pauers haqda ikinci və üçüncü filmlərə yazdığı ssenarilərdir. Bundan əlavə, o Tina Fey və Emi Polerin iştirak etdikləri "Ah, analar" komediyasını çəkib.

Dorn və Mitçell həmçinin beşinci "Şrek"in rejissorluğunu etməkdə maraqlı olduqlarını bildiriblər.

"Şrek həmişə" franşizinin əvvəlki hissəsi prokata 2010-cu ildə çıxmışdı. Yeni hissənin reliz tarixi hələlik məlum deyil.