Aktyor Co Manqanyello müsahibəsində "Betmen" haqda solo filmin çəkilişlərinə artıq gələn ilin baharında başlanacağını bildirib. Bu barədə o ET nəşrinə müsahibəsində danışıb. "Əsl qan" serialının ulduzu filmdə yaramaz Detstroukun obrazını canlandıracaq.

Bundan əlavə məlum olub ki, filmin relizi 2018-ci il oktyabrın 5-nə və yaxud 2019-cu il noyabrın 1-nə nəzərdə tutulub, çünki Warner Bros. studiyası özünün adları hələlik məlum olmayan iki layihəsi üçün məhz b tarixləri rezerv edib.

Filmdə həmçinin Alfred obrazını canlandıracaq Ceremi Ayrons və komissar Qordonu oynayacaq C.K.Simmons da çəkiləcək. Oskar mükafatlı aktyorlardan birincisini tamaşaçılar bənzər ampluada "Betmen Supermenə qarşı" filmində seyr edə biliblər, ikincini isə 2017-ci ildə DC kinokainatının prokata çıxacaq "Ədalət liqası" filmində izləyə biləcəklər.

Yeni "Betmen"də Ben Afflek rejissor və baş rol ifaçısı kimi iştirak edəcək. Hazırda o DC Comics-in kreativ direktoru Ceff Consla birgə filmin ssenarisini yazır.