"İdeal səs 2" aktrisa və prodüser Elizabet Benks üçün rejissor debütü oldu. O gələcəkdə tikvelin çəkilişlərinə rəhbərlik etməyi planlaşdırırdı, lakin bir neçə ay əvvəl Benk qrafikinin gərgin olması ilə əlaqədar bu fikirdən daşındı və rejissor kürsüsü bu günədək boş olaraq qalırdı.

Variety informasiya portalına məlum olub ki, Universal studiyası çox qısa müddətdə Triş Sinin timsalında Benksi əvəzləyəcək birini tapdı. Triş Sinin filmoqrafiyasında hələlik yalnız "İrəliyə addım: Hər şey ya da heç nə" melodramı var, lakin bununla yanaşı rejissor bir neçə qısametrajlı film və musiqili kliplər də çəkib.

"İdeal səs" franşizi Universal studiyası üçün çox uğurlu olub. Birinci film prokatda müasir dövr üçün kifayət qədər təvazökar $17 mln büdcə müqabilində $113 mln qazanmışdı, sikvelin gəliri isə $287,5 mln təşkil etmişdi. Üçüncü hissədə öz rollarını yenidən Anna Kendrik, Rebel Uilson və Brittani Snou ifa edəcəklər, ssenarini isə yenə də Key Kennon yazacaq.

Elizabet Benks öz növbəsində "İdeal səs 3"ün prodüseri olaraq qalır və yenidən əvvəlki hissələrdəki Qeyl obrazını canlandıracaq. Filmin premyerası 2017-ci il dekabrın 22-nə planlaşdırılıb.