Fox kanalı daha bir klassik əhvalatı müasirləşdirməyi qərara alıb. The Hollywood Reporter informasiya portalının məlumatına görə, televiziya şəbəkəsi prodüserlər Qeyl Berman ("Plaş"/The Cape) və Co Erli kral Arturu qeyri-adi ampluada təqdim edəcək "Kamelot" serialı üzərində işləməyə başlayırlar.

Yeni dram Kral Artur haqda əfsanəvi əhvalatları prosedur format baxımından yeni formada təqdim edəcək. Müasir Manhettendə qədim tilsim ayıldıqdan sonra qraffitiçi rəssam Art özünün yaxın dostu Lansa və polis olan keçmiş sevgilisi Qvenə müraciət etməli olur. Baş qəhrəman taleyin ona hazırladığını vəzifələri yerinə yetirməli və şəhəri təhdid edən şərə müqavimət göstərməlidir.

Layihənin ideyası yeni müəllifliyə başlayan Den Frey və Ju Sommerə aiddir. Onlar yeni serialın ssenarisini yazmaqla yanaşı, adları yuxarıda qeyd olunan Berman və Erli ilə birgə icraçı prodüser funksiyasını yerinə yetirəcəklər.

Fox kanalı klassikanı müasirləşdirməyə ilk dəfə deyil ki, cəhd edir - üç il əvvəl televiziya şəbəkəsi "Yuxulu dərə" serialını çəkməyə başlamışdır və hazırda o dördüncü mövsüm də davam edəcək.