"Karib dənizi quldurları"nın ulduzu reperin ölümü ilə bağlı təhqiqat aparan detektivin obrazını canlandıracaq.

"Labirint" adı alacaq filmin konsepsiyası prokatçılara Toronto kino bazarında təqdim olunacaq. Çəkiləcək filmin Amerika üzrə hüquqları UTA və WME Global şirkətlərinə, onun istehsalı və dünya üzrə prokat hüququ isə Good Films stuidyasına aiddir.

Conni Depp detektiv Rassel Pulun obarızını yaradacaq. Vaxtilə reperlər Tupak Şakur və Notorius Biqin halak olması üzrə təhqiqatı o aparmışdı.  Təhqiqat işi daim dalana dirənirdi, lakin yekunda Pul Los-Anceles polisi sıralarında korrupsiyanı aşkar etmişdi. Film Rendal Sallivanın sənədli kitabı əsasında çəkiləcək.

Ssenarisi Kristian Kontreras tərəfindən yazılmış filmin rejissoru "Vəkil üçün Linkoln", " Maskalanmış fırıldaq" filmlərini çəkmiş Bred Furmandır.

Bu il Conni Deppi kinoteatrlarda "Alisa möcüzələr diyarında"nın sikvelində görmək olardı.