Britaniya tabloidləri növbəti Ceyms Bondun kim olacağı barədə tez-tez yazırlar. Hələlik Deniel Kreyq rəsmi olaraq agent 007 rolundan imtina etməyib, lakin bondiananın növbəti filmində çəkilmək üçün müqaviləyə də imza atmağa tələsmir. The Sun informasiya saytına MGM studiyasının Kreyqi əvəzləmək üçün nəzərdən keçirdiyi siyahı daxil olub.

Mənbənin verdiyi məlumata görə, namizdələrin siyahısında İdris Elba, Maykl Fassbender, Lük Evans, Çarli Xannem, Eydan Terner və Tom Xiddlston var. Son qərarı verəcək franşizin prodüseri Barbara Brokkoli eləcə də Ceyms Norton və Ceymi Bellə görüşəcək.

İnsayderlərdən əldə edilmiş məlumata görə, MGM boslarının fikrincə uduş variantı zəruri xarici görünüş və istedada, eləcə də öz iştirakı ilə filmi boks-ofisin xitinə çevirməyə qadir olan İdris Elbadır.

Hələ ötən ay Elba jurnalistləri ona Ceyms Bond rolunu ifa etmək barədə təklif gəlmədiyinə və bu rol üçün qoca olduğuna inandırmağa çalışırdı. Hələlik aktyor "Tor.Raqnarek" blokbasterinin çəkilişlərindədir, qarşıda isə onu daha bir neçə layihə gözləyir.